Posts

Showing posts from August, 2024

59. YĨLA SOO WA NGAI WĨVUVWA

YĨLA SOO WA NGAI WĨVUVWA (When the trumpet of the Lord) 1. Yĩla soo wa Ngai wĩvuvwa, na ĩvĩnda yathela,  Twoona kwakya kwa mũthenya ũkĩte Al'ovosye makyũmbana mũinganĩsyo wa kĩkw'ũ,  Yesũ esĩa asu nĩvo ngethw'a nyie.  Soo wavuvwa tũkawĩw'a,  Yesũ ooka tũkĩthaũwa,  Kũya ĩũlũ tũkyũmbanw'a Twĩ na Yesũ, nakwa nĩvo ngethw'a nyie 2. Ala akw'ũ me anyũve makasyũkw'a kĩoko kyu N'aa twĩ vaa na thayũ tũkĩalyũlwa mĩĩ,  Tũkĩkwatwa vamwe namo, tũkĩthaũwa nĩ Yesũ,  Onthe makĩtalwa, nĩvo ngethwa nyie.  3. Twĩthing'ĩĩsyei kũthũkũma wĩa wa Mwĩaĩi Yesũ,  Tũkyonany'a wendo wake na manee; Na twamina wĩa witũ na mathayũ kũkũ nthĩ,  Tũkĩtuvwa ĩũlũ, nĩvo ngeth'wa nyie.  4. Twĩ wĩanĩ wake Yesũ, nĩ ũtanu mũnene,  Kũtavany'a ndeto syake, nũseo.  Na mũminũkĩlyo wa nthĩ tũkaenda ĩtunĩ,  Vala ve Mwĩaĩi tũkathũmũe.  (Amen)

60. KYATHĨ KYA YESŨ KYA KŨSYOKA ĨNGĨ

KYATHĨ KYA YESŨ KYA KŨSYOKA ĨNGĨ (His returning) 1. Kyathĩ kya Yesũ kya kũsyoka ĩngĩ,  Atũtavisye ũũ akĩthi ĩtunĩ,  Akamesĩa ala etĩkĩli,  Ekalae namo ũsũvĩonĩ wake.  Tũkathi na Yesũ,  Tũkathi tũmũatĩe,  Ĩtunĩ tũkathi na Yesũ,  Twĩ nake Yesũ ndakatũtia.   2. Wendo wa Yesũ nĩ mũnene ta ũũ,  Atwendie twĩ andũ athũku ta ũũ,  Nĩwe mũseo kũvĩtũka onthe,  Yesũ atatie ũndũ wa ũsengy'o.  3. Yĩla Yesũ wĩsyoka ĩngĩ kũũ nthĩ,  Ala make akathi namo ĩtunĩ,  Nĩwe Mũsũmbĩ wa Asumbĩ onthe,  Tũkasumbĩka vamwe nake ĩtunĩ.  4. Etĩkĩli onthe ala maw'o,  Makamwona Yesũ Mũtangĩĩi wamo Asu ala matendete naĩ,  Ĩkĩsumbĩka nthĩnĩ wa mathayũ moo.  5. Ũkai andũ mwĩtĩkĩle Yesũ,  Ũla watũkw'ĩĩe ngelany'onĩ,  Kana mwose ũekeo wa naĩ,  Nĩ kana tũkavika ĩtunĩ kwake.  (Amen)

61. NĨWOOKIE ŨTHEU

NĨWOOKIE ŨTHEU (Never shone a light so fair) 1. Nĩwookie ũtheu,  Kũvĩta motheu onthe,  Na ũũ wathi wa ĩũlũ.  Nũvĩtĩte mbathi syonthe,  Nĩ ũvoo wa ũtisu.  Nĩ mwĩao wa ũtheu,  Amokie enyivya Nĩ Ngai vamwe Naitũ Imanueli.   2. Mwaka kũvĩta mwaka,  Wathi ũũ nĩwinwe,  Nũkwenda kũlilikana,  Mũtumĩa na anae,  Nĩ ũvoo mwĩanĩu.  3. Nĩ-tũũtana ũmũnthĩ,  Twĩke ũũ ta kĩla mwaka,  Ithyonthe twĩthing'ĩĩsye,  Ta ũũ tũlilikana,  Nĩ ũvoo wa ũtheu.  (Amen)  

62. MBEE WA ŨSĨ WA MATHĨNA

  MBEE WA ŨSĨ WA MATHĨNA (Beyond the sea) 1. Mbee wa ũsĩ wa mathĩna Nthĩ ĩsu ya ũsũvĩo; Yĩ mũĩthi myũnthĩ yonthe: Nyie ngathi kw'o ngasũvĩwe.   Mũingo wa ũsĩ wa mathĩna Ngeew'a wasya wa Mwĩaĩi Yesũ,  Na mathĩna nĩmakathela vyũ,  Yĩla nĩmwona Mwĩaĩi Yesũ.  2. Kũu ĩtunĩ nĩ nthĩ nzeo,  Kũikethĩwa mwene naĩ; Kana thĩna ona ũmwe,  Vatiĩ ũla ũkathĩna.  3. Mwĩaĩi Yesũ nĩwambiwe,  Ngelany'onĩ ate ũndũ; Etĩkisye nthakame vau Ngelany'onĩ nũndũ wakwa.  4. Navika nthĩ ya mũuo,  Mwĩaĩi Yesũ akambosa; Kũu ĩtunĩ nĩngaina: Na alaĩka navika kw'o.  (Amen)

63. MWĨAĨI OKĨTE NA MĨTŨKĨ

  MWĨAĨI OKĨTE NA MĨTŨKĨ (The lord is coming) 1. Mwĩaĩi okĩte namĩtũkĩ yũmbany'e aky'ũka,  Okĩte kuma musyĩ mutheu yũmbany'e aky'ũka Nowe Mwĩaĩi waitũ waw'o akamaathima ala anyuve,  Kĩvĩlanĩ ky'ethe maumbũle yũmbany'e aky'ũka Nũyũmbanĩtye mũtwaani akyũka Nũyũmbanĩtye mũtwaani akyũka Nĩmũseũvĩtye mataa we nde yĩla ũtoka Nũyũmbanĩtye mũtwaani akyũka 2. Omĩtũkĩ akasyoka nthĩ yũmbany'e akyũka,  Lika ũsumbĩnĩ wake yũmbany'e akyũka,  Kũu ĩtunĩ kũkainwa Yesũ aete ũtangĩĩo,  Seũvyai mataa Mũsumbĩ nũsu yũmbany'e akyũka 3. Okĩte kwa ũmwe na kwa onthe yũmbany'e akyũka Okĩte na wasya wa soo yũmbany'e akyũka Ũsilĩlo nĩwiĩtwe kwokonĩ kwake kwĩ ũtonyi,  Tukaũngama mbee wa kĩvĩla yũmbany'e akyũka (Amen)

64. ATUMĨA NA IVETI ŨKAI TWINĨE MWĨAĨI

  ATUMĨA NA IVETI ŨKAI TWINĨE MWĨAĨI (Men, women let us sing for the Lord) 1. Atumĩa na iveti ,  ũkai twinĩe Mwĩaĩi,  Nĩw'o Mwĩaĩi ũnũkwenda,  Nĩw'o Mwĩaĩi ũnũkwenda.  Kũkeethĩwa ata akyũka? Akyũka Mwĩaĩi Mũsumbĩ,  Kũkeethĩwa ata akyũka.  2. Anake na eĩtũ,  ũkai twinĩe Mwĩaĩi,  Nĩw'o Mwĩaĩi ũnũkwenda,  Nĩw'o Mwĩaĩi ũnũkwenda.  3. Nĩtũsisyei,  na ĩũlũ kũla Mwĩaĩi waendie,  Nĩw'o Mwĩaĩi ũnũkwenda,  Nĩw'o Mwĩaĩi ũnũkwenda.  4. Nĩtũlalyei metho maĩtũ,  Tũtikone syĩndũ sya nthĩ,  Nĩw'o Mwĩaĩi ũnũkwenda,  Nĩw'o Mwĩaĩi ũnũkwenda.  5. Yesu e vakuvi kũka,  aminũkĩlye kũketha,  Nĩw'o Mwĩaĩi ũnũkwasya,  Nĩw'o Mwĩaĩi ũnũkwasya.  (Amen)

65. ANDŨ MA YESŨ NĨ ATANU

  ANDŨ MA YESŨ NĨ ATANU (Happy christians) 1. Andũ ma Yesũ nĩ atanu.  Nũndũ aisye akasyoka,  Nĩtweteele yu kwĩw'a wasya,  Mwĩaĩi Yesũ Mũtangĩĩi.  Yesũ nĩwe Mũtangĩĩi,  Nĩ Mũsumbĩ wa andũ,  Wa asumbĩ onthe kũũ,  Nowe Yesũ Mũtangĩĩi.   2. Mũndũ namanye ũtũo wake,  Kana wĩ ĩtunĩ kwa Yesũ.  Kana wĩ kũũ nthĩ kwa satani,  ĩianĩ ya mwaki.  3. Kyathĩ kyake yu kĩ vakuvĩ,  Yĩla wĩũka atwĩsĩe kũũ,  Tũkamwonaa na metho maitũ,  Yĩla wĩũka atwĩsĩe kũũ.  4. Wamwenda Yesũ ũka kwake,  Nĩvo vena ũvonokyo,  Ĩvinda yĩĩ yathela,  Ũkanengwa ũsilĩlo.  (Amen)

66. VE ŨSILĨLO WŨKĨTE

  VE ŨSILĨLO WŨKĨTE (The judgement is soon coming) 1. Ve usilĩlo wũkĩte mwanaAsa,  Mawonany'o nĩmeũtwony'a; Ĩvinda yĩ vakũvĩ Yesũ oke,  Nthĩ yonthe yakane mwaki.  Vakeethĩwa thĩna na kĩĩo kĩnene,  Vakeethĩwa thĩna na kĩmeto kingĩ; Vakeethĩwa thĩna na kĩĩo kĩnene; Na vaikethwa ũekeo.   2. Ũlei nĩ mwingĩ mĩthenya ĩno,  Na ũthengi na ũvutani; Ĩvinda yĩ vakuvĩ Yesũ oke,  Nthĩ yonthe yakane mwaki.  3. Vatĩ mũuo nongi mĩthenya ĩno,  Nthĩ yonthe yu yĩ mũisyonĩ.  Ĩvinda yĩ vakuvĩ Yesũ oke,  Na nthĩ yonthe yakane mwaki.  (Amen)  

67. KŨKEETHĨWA MŨNTHĨ MŨSEO

  KŨKEETHĨWA MŨNTHĨ MŨSEO (One happy day) 1. Kũkethĩwa mũnthĩ mũseo,  Yesũ asyoka kũtwosa ithyĩ; Tũkathũmũe vandũ vaseo,  Vate kĩkw'u kana mathĩna.  Matho measya Yesũ akooka,  E na alaĩka soo ũvuvwe; Akw'ũ masyũka tũalyũlwe mĩĩ,  Tũmũthaũwe yayayanĩ.  2. Twavika kwake tũkatana ngoo,  Twose matuvi, twose ngovia; Na kũtĩnĩka tũkĩmũkatha,  Vala kyeni kĩtaolekaa.  3. Ala tũmweteele Mũtangĩĩi,  Tũmũthũkũme twĩatheu; Tũkĩmanya 'yu ooka,  Tũkoolwa vyũ nĩ mathĩna.  (Amen)

68. ĨNDĨ MANYAI ŨŨ

  ĨNDĨ MANYAI ŨŨ (You ought to know) 1. Ĩndĩ manyai ũũ kana mĩtheny'anĩ,  Ya mũminũkĩlyonĩ kũkeethĩwa mĩisyo Nũndũ andũ makeethwa makĩyenda ene,  Ĩvinda nĩ ĩthelu Yesũ nĩwũkĩte Andũ makeethĩwa makĩyenda ene,  Angĩ makeethwa na wendi wa mbesa Aa. . . . . . . . . . . . . ĩvinda nĩthelu Aa. . . . . . . . . . . . .  Yesũ nĩwũkĩte.  2. Ĩvathane na asu naku mũnyanyawa Tondũ Yane na Yambale masiĩĩe Mose,  No ta ũũ aa namo nĩmasiĩĩa ũla w'o.  Ĩvinda nĩthelu Yesũ Nĩwũkĩte.  Mendaa maũndũ ma nthĩ mbee wa kũmwenda Ngai Ang'endu me ngũlũ matendete ũseo,  Aa. . . . . . . . . . .  ĩvinda nĩthelu Aa. . . . . . . . . . .  Yesũ nĩwũkĩte.  3. Ĩvinda nĩthelu Yesũ nĩwũkĩte,  Timotheo wa Kelĩ kĩlungu kya itatu,  Kuma mũsoa wa mbee kũvika wa katano Ĩvinda nĩ ĩthelu Yesũ nĩwũkĩte.  Ailĩanĩli mate na wĩting'o Mate wendo waĩle na mate mũvea,  Aa. . . . . . . . . .  ĩvinda nĩ ĩthelu Aa. . . . . . . . . .  Yes...

69. ŨTUKŨ MWEŨ

  ŨTUKŨ MWEŨ (Silent night, holy night) 1. Ũtukũ mweũ! ũtukũ mũtheu! Salukyai mũsisye; Mũthaithei Yesũ Klĩsto,  Mwĩaĩi Yesũ, Mũtũtangĩĩi,  Nũsyaiwe ũtukũ ũ; Tũthi kũmwĩsũva yu.  2. Ũtukũ mweũ! ũtukũ mũtheu! Sisyai ũũ twathiwe; Alaĩka maete ũvoo,  Nawo wathi wa ndaĩa nĩ woo; Tũthi n'aĩthĩ kwa Yesũ,  Tũthi kũmwĩsũva yu 3. Ũtukũ mweũ! ũtukũ mũtheu! Kana kaa kendetwe! Ndaĩa nĩ ya Ngai Asa tũ,  Na nthĩ yonthe yĩ na ũvoo,  N'andũ maĩla kwa Yesũ; Tũthi kũmwĩsũva yu.  (Amen)

70. ĨW'AI MBATHI ISU NTHEU

  ĨW'AI MBATHI ISU NTHEU (Hark what means) 1. Ĩw'ai mbathi isu ntheu,  Ikwinwa ku ĩtunĩ; Alaĩka makĩkatha,  Makyasya alelũya.  2. Ĩw'ai ũvoo wa ũseng'ya,  Atĩ Yesũ nũsyaiwe,  Mũsyĩ wa Vethilemu,  Ndaĩa kwa Ngai wa ĩtunĩ.  3. Mũuo kũũ nthĩ na ĩtunĩ,  Andũnĩ ala make; Ngoo syonthe itane mũno,  Nũndũ Yesũ nũsyaiwe.  4. Klĩsto nũsyaiwe ũmũnthĩ,  Ĩũlũ wa nthĩ nakathwe; Nake Ngai nĩwatwathie,  Mũthembi na Mũsumbĩ.  5. Tũthaithei na ngoo ntheu,  Tũsũng'ũkye syĩtwa yĩĩ; Mũvaka tũvike ĩtunĩ,  Twĩkalae na Ngai waitũ.  6. Twĩmanyĩsyei ũvoo ũũ,  Wa kũsyawa Mwovosya; Tavany'ai ũvoo wake,  Ũtũngane nthĩ yonthe.  (Amen)

71. ALAĨKA NAMO

  ALAĨKA NAMO (The first Nowel the angel did say) 1. Alaĩka nĩmo maetie ũvoo,  Kwa aĩthi ma indo me kũũ weũnĩ; Mamĩmĩte ũtukũ masũvĩĩte indo,  Ũtukũ ũsu waĩ na mbevo nene mũno.  Mũuo, mũuo kũũ nthĩ kwonthe; Yesũ nũsyaiwe e Mũsumbĩ.  2. Masyaĩĩsye ĩũlũ, namo moona ndata Ĩkĩtisa na kyeni kyayo kĩnene,  Ũtheu wa ndata wamulĩkĩte nthĩ; Yatĩsaa kwĩ mũthenya o na ũtukũ.  3. Andũ oĩ atatũ mavikĩle ndata,  Mamwonie Yesũ na mamũthaitha; Mathembie nthembo syoo ila makuĩte,  Nĩsyo thaavũ, ũvani na manemane.  (Amen)

72. NDATA NENE NDATA NTHEU

  NDATA NENE NDATA NTHEU (The great star) 1. Ndata nene ndata ntheu yatongoesye andũ oĩ; Yamonisye vala wasyaĩwe Mũsumbĩ,  Andũ oĩ mavikĩla kyeni kya ndata,  Mamanye mũsyĩ ũla Yesũ Klĩsto ũsyaĩwe.  2. Mamĩatĩĩa ndata nũndũ wa kyeni kyayo; Mũsumbĩ amatavya mamũetee ũvoo,  Nĩ kana nake aende akakathaithe; Nake eendaa kũthi kũaa kana kau katheu.  3. Ndata yathi yaũngama vala wasyaĩwe,  Menama mbee wa kaũkenge mamũkatha Ngai; Mathasya mĩio yoo makane mĩthĩnzĩo,  Matavya nyinyĩa na ĩthe ũndũ moonie ndata.  4. Andu matavw'a nĩ Mũlaĩka wa Mwĩaĩi; Matĩkathi kwa Elote mathi na nzĩa ingĩ,  Meanĩsya mwĩao ũla Mũlaĩka waneenie,  Elote ameteela na ndaamona ĩngĩ.  5. Etĩkĩli ta ũũ twĩthĩwe ta andũ oĩ,  Tũkĩsyaĩĩsya ũvoo wa ĩ'syawa yake,  Twĩsĩ ũla wasyaiwe nĩ Mũtangĩĩi wa andũ,  Tũmamanyĩsye angĩ moke mose wovosyo.  (Amen)

73. MŨYŨKEI KWA YESŨ

  MŨYŨKEI KWA YESŨ (O come all ye faithful) 1. Mũyũkei kwa Yesũ; Ũkai tũkamũkathei,  Ũmũnthĩ, ũmũnthĩ nũsyaiwe; Mũtangĩĩi kũya Mbethelemu.  Ĩĩ, tũmũkathei ũsu,  Ĩĩ, tũmũtaĩei nesa,  Ĩĩ, tũmũvoyei Yesũ,  Mwovosya waitũ.  2. Mũsumbĩ nĩ ũsu,  Nĩ mwene vinya w'onthe,  Nĩ mwana wa Ngai, ũla wũkĩte kũũ: Nĩ Yesũ wũkie kenda atũtangĩĩe.  Ĩĩ, tũmũkathei ũsu,  Ĩĩ, tũmũtaĩei nesa,  Ĩĩ, tũmũvoyei Yesũ,  Mwovosya waitũ.  3. Tũtaĩei Ngai mũno,  Nĩwatũnenga Yesũ,  Na ndeto twathĩtwe nĩsyatwĩka w'o; Nĩwe ũkakua mavĩtyo maitũ onthe.  Ĩĩ, tũmũkathei ũsu,  Ĩĩ, tũmũtaĩei nesa,  Ĩĩ, tũmũvoyei Yesũ,  Mwovosya waitũ.  (Amen)

74. NĨWATIIE ŨSUMBĨ

   NĨWATIIE ŨSUMBĨ (Thou didst leave thy throne) 1. Nĩwatiie ũsumbĩ waku ĩũlũ,  Nĩwatheeie kũũ nthĩ vala nĩĩ,  Ĩndĩ ĩsyawanĩ yaku ndwaaona ũthei,  Ate kyengonĩ kya indo.  Ĩndĩ ũka kwakwa, Yesũ,  Ve ũthei ngoonĩ yakwa waku; Ĩĩ, ũka ngoonĩ yakwa yu: Ngoo yakwa yĩ ũthei waku .  2. Mbĩwa syĩ wĩkalo, na nyũnyi ndala syasyo Syĩ ngũnganĩ na mĩtĩnĩ; Ĩndĩ maũthũmũo maku maĩ ĩũlũ wa nthĩ,  Maweũnĩ ma Ngalilii.  3. Nĩwookie kwa maku na ndeto syĩ na thaũ Sya kwavĩtya onthe wathenĩ; Ĩndĩ mailea ndeto, na ũndũ mĩkwa yoo Nĩmakwambie mũtĩnĩ 4. Kyathĩ kyaku kyavika kũsyoka kũũ nthĩ,  Yĩla wĩĩsĩa ala maku,  Ngeethukĩĩsya na mũyo, o yĩla wĩmbĩta,  Wasya, kũũ kwĩ ũthei waku.  5. Na ngeew'a nesa ngoonĩ,  Ũimbĩta nyie nũke kwaku,  Ĩĩ ngakũtaĩa nesa mbee,  Noona ũthei kũu kwaku.  (Amen)

75. NGAI NĨWANENGANIE MWANA

  NGAI NĨWANENGANIE MWANA (He was not willing) 1. Ngai nĩwanenganie Mwana wake,  Kana atangĩĩe andũ onthe: Yesũ atheeie kũkũ andũnĩ Ooka asyawa kũu Mbethelemu.  Mũthenya mũnene? Yesũ ookie,  Nĩwe Mũsumbĩ w'o wa kũũ kw'onthe! Ala anene na ala anini Nĩmaendie kũmũthaitha.  2. Yesũ ekalany'a kũũ nthĩ na andũ Oonie thĩna o na monyamao; Ookie kũmantha ala maaĩte Amavonokya silanĩ wa Ngai.  Mũthenya mũnene ! Yesũ asyawa Kana atwonye ĩ nzĩa ya Ngai; Ĩndĩ alewa nĩ nthĩ ĩla yake,  N'akw'a ngelany'onĩ Mwana wa Ngai.  3. Veva Mũtheu atwony'e ũmũnthĩ,  Yesu asyaiwe nũndũ witũ: Nĩwe Mũthĩnzĩo ũla mũseo,  Nĩtũnengetwe nĩ Asa waitũ.  Mũthenya mũnene Yesũ nĩ mũku,  Tanai i ngoo syenyũ nũndũ wa ũu.  Ũla ũkwĩw'a yu, nĩose Yesũ,  Amwĩtĩkĩle, anengwe thayũ.  (Amen)

76. AĨTHI MAKĨSYAĨĨSYA

  AĨTHI MAKĨSYAĨĨSYA (While shepherds watch) 1. Aĩthi makĩsyaĩĩsya Ũtukũ indo syoo,  Mũlaĩka atheeie.  Na ũtheu mũnene.  2. Aĩthi makĩa mũno Mũlaĩka asy'atĩĩ,  Namũetee ũvoo ũũ,  Ũmwĩw'ĩthye mũyo.  3. Ũla mũsyĩ wa Ndaviti Mũnthĩ ũũ kwasyawa,  Mũtũtangĩĩi Yesũ Klĩsto,  We ũla twathiwe.  4. Mwana ũsu wa ĩtunĩ,  Nĩmũkamwĩthĩa Amamĩtw'e nza ya ng'ombe,  Nũndũ nde ũmamo.  5. Mũlaĩka aneena ũu,  Vooka nguthu nene,  Ĩkina wathi mweũ Na ũtanu mwingĩ.  6. Nguma nĩ ya Ngai ĩũlũ,  Na nthĩ ya mũuo mwingĩ; Na andũnĩ veth'we ũvoo Tene na tene.  (Amen)

77. ŨMŨNTHĨ NĨKŨSYAIWE YESŨ

  ŨMŨNTHĨ NĨKŨSYAIWE YESŨ (The prince of peace) 1. Ũmũnthĩ nĩkũsyaiwe Yesũ, Mwana wa Ngai Nake nĩwe mũtũtangĩĩi, mwene vinya w'onthe.  Ũmũnthĩ nĩkũsyaiwe Yesũ Mũtũtangĩĩi.  2. Syĩtwa yake nĩwe Yesũ, Mũsumbĩ wa wendo; Nĩ Ngai wa kũtwovosya vyũ, tume ũthũkunĩ.  3. Nĩ mũsumbĩ , mũseo mbee wa kũtũsũvĩaa,  Nĩ wa kũtũnenga thayũ nũthwii wake w'onthe.  4. Ũmũnthĩ nĩwũkie nthĩ, Yesũ Mũtũtangĩĩi,  Kana atangĩĩie ithyĩ na nthakame yake.  (Amen)

78. WUMĨLONĨ WA SYŨA

  WUMĨLONĨ WA SYŨA (Gracious Spirit dwell with me) 1. Wumĩlonĩ wa syũa,  Nĩmanengiwe watho,  Nĩmamyonie ndata Na mamĩvikĩla,  Nĩ matanie mũno,  Yĩla monie ndata.  2. Matanie mũno mbee,  Kũmwona ũla mwana Vamwe na nyĩny'a wake,  Nyũmbanĩ ya ala ngya,  Makĩmũtulĩlya ndu,  Mamũthaithe mwĩaĩi 3. Mamũne mĩthĩnzĩo,  Ya syĩndũ ila nzeo Thaavu na manemane,  Ũvani na syĩndũ ingĩ,  Nũndũ we ũsu mwana ,  Aĩ Mwĩaĩi Yesũ.  4. Twĩkũvoya we Mwĩaĩi,  Yesu ũtũtongoesye,  Wĩthĩwe vamwe naitũ,  Tũkĩkũtulĩlya ndu,  Twĩthwe vamwe ithyonthe,  Ũtwambatye ĩtunĩ.  5. Ala me kũy'ĩtunĩ,  Mekalĩte kyeninĩ,  Vatiĩ vata wa syũa,  Kana kyeni kya ndata,  Kyeni kyaw'o nĩ Yesũ,  Nĩwe ũmulĩkĩte.  (Amen)

79. KWAMEW'EI NĨMEKWINA ALAĨKA ĨTUNĨ

  KWAMEW'EI NĨMEKWINA ALAĨKA ĨTUNĨ (Hark the herald angels sing) 1. Kwa mew'ei nĩmekwina alaĩka ĩtunĩ,  Wathi wa mũyo mwingĩ wa wendo wa Mũtangĩĩi Kũkũ nthĩ kwĩna ũvoo kwa ala eki ma naĩ,  Ithyĩ naitũ na twinei vamwe n'ala atũmwa.  Kwa mew'ei nĩmekwina Alaĩka ĩtunĩ.  2. Nĩwe Mwĩaĩi waitũ na Ngai wa tene w'onthe,  Nĩwasyaiwe mũndũ nthĩnĩ wa mwĩĩtu Meli; Nĩwumie ngumani na akyũka ũkyanĩ,  Nĩ Mũtangĩĩi wa andũ kenda mo matikae.  3. Nĩwe Mũsumbĩ wa ũvoo aumie ĩtunĩ,  Nĩwe kyeni kya katĩ kĩla kĩũtũmulĩka; Nĩwumisye ũnene nũndũ wa wendo wake,  Enda kũtũvonokya na kũtũtangĩĩa ithyĩ.  4. Ũka mĩtũkĩ Mwĩaĩi nĩtũkwendete mũno,  Ũtũe naĩtũ Mwĩaĩi nĩtũkũemwa nĩ kaũ; Tumba kyongo kya nzoka na ĩla ndata yaku,  Na tũvwanane naku ũnengwe nguma kwitũ.  (Amen)

80. NA KŨSYAWA KWA YESŨ

  NA KŨSYAWA KWA YESŨ (Home to the land above) 1. Na kũsyawa kwa Yesũ Klĩsto, kwailyĩ ũũ,  Yĩla nyinyĩa wake Malia, waasĩtw'e nĩ Yosevu.  Mwĩaĩi Mũsumbĩ,  Mwĩaĩi wa eaĩi Mũsumbĩ nĩwe Mwĩaĩi,  Wa eaĩi onthe.   2. Na matambĩte kũtwaana, ooneka e ĩvu,  Na Yosevu mũũme wake, ndaenda kũmũsonokya.  3. Yesũ asyaiwe Vethilemu, mĩthenya ya Elote,  Andũ oĩ amaendie kwona, Mũsumbĩ wa asumbĩ.  4. Yesũ yĩla waĩ mũnini, aĩ mwana mwĩwi mũno,  Nĩwamew'aa nyiny'a wake, na ĩthe wake Yosevu (Amen)

81. ANDŨ ONTHE ŨKAI TŨTHI

  ANDŨ ONTHE ŨKAI TŨTHI (O happy day) 1. Andũ onthe ũkai tũthi,  Kũla Yesũ ũsyaĩwe,  Tũtulye ndu tũthaithe,  Tũkĩmũnenga mĩthĩnzĩo.  Mũthenya mũnene,  Wa kũsyawa kwa mwovosya,  Kwĩ ũtanu ĩĩ na ngatho,  Kwa andũ onthe kũkũ nthĩ,  Mũthenya mũnene,  Wa kũsyawa kwa Mwovosya.   2. Ũtukũ ũla wasyaiwe,  Alaĩka maina wathi,  Wathi ũsu waĩ wa ndaĩa,  Alaĩka matavisye aĩthi.  3. Endai mũsyĩ wa Ndaviti,  Nĩvo wasyaĩwe Mũtangĩĩi,  Andũ oĩ nĩmoonie,  Ndata ĩla yaĩ nene.  (Amen)

82. ŨMŨNTHĨ MWANA NŨSYAIWE

  ŨMŨNTHĨ MWANA NŨSYAIWE (Come o come) 1. Ũmũnthĩ mwana nũsyaiwe Asyaiwe nũndũ witũ Mwana ũsu nĩwe Yesũ,  Mũsumbĩ wa nthĩ yonthe Ũmũnthĩ nĩtũkũtana,  Ngai nataĩwe,  Ũmũnthĩ nĩtũkũtana,  Ngai nataĩwe 2. Syĩtwa yake etawa atĩĩ,  Mwĩaĩi wa ũvoo,  Etawa Imanueli,  We Ngai vamwe na andũ.  3. Nĩwe mũsumbĩ mũseo,  We ndanyivaa e vinya,  Ũsumbĩ wake nĩ waw'o,  Na nĩ mũlũngalu ki.  4. Yesu nĩwe ũla mwana,  Tũmũkumyei ithyonthe,  Ena ũsumbĩ waw'o ki,  Na nĩ mwene kĩthito.  5. Ũmũnthĩ nĩwũkĩte kwitũ,  Ethĩwe vamwe naitũ,  Nĩ kana atangĩĩe andũ,  na kũmavosya vyũ.  (Amen)

83. YESŨ KLĨSTO NŨSYAIWE

  YESŨ KLĨSTO NŨSYAIWE ( Mine eyes have seen the glory) 1. Yesũ Klĩsto nũsyaiwe Vetheleemu wa Yutia Ĩvinda ya Mũsumbĩ ũla wetawa Elote,  Andũ oĩ maendie matongoew'e nĩ ndata,  Tũmũkathei Mwĩaĩi.  Yesũ Klĩsto nũsyaiwe,  Asyaĩwe Vetheleemu,  Vetheleemu ya Yutia,  Ũkai tũ mũkathei.  2. Ũmũnthĩ nĩ mũthenya wa ĩsyawa ya mwĩaĩi,  Etĩkĩli kũthĩna atũtangĩĩe ithyĩ,  Asyaĩwe nza ya ngombe athĩne ta mũndũ ngya,  Kana atũtangĩĩe.  3. Ũmũnthĩ nĩ mũthenya wa ĩsyawa ya mũtangĩĩi,  Na yĩla nyinya wake wevaĩtw'e nĩ Yosevu,  Matanamba kũtwaana onekie e na ĩvu,  Ya Veva Mũtheu.  4. Tũtanei nũtanu mwingĩ nũsyaiwe mwene tei,  Ũla waw'o nũsyaiwe tũmũkathei n'ũtanu,  Ekalĩte kĩvĩlanĩ kya mũsumbĩ wa asumbĩ Twinei na ũtanu.  (Amen)